MISTERIO NO BOTÁNICO.

Bo día!

Comezamos a partir de hoxe as vacacións de Semana Santa!!! Pero non vos imos deixar descansar sen antes resolver un misterio. 

 

Fonte: http://www.rjb.csic.es/Botanico/misterio.php

Esta mañá, os xornais informan sobre un estraño suceso… atopouse un cadáver nun escampado… pistas forenses… o escenario do crime puido ser o Real Xardín Botánico (CSIC)… E os sospeitosos? Hai varios entre o persoal.

 Convértete en detective. Un asasinato, seis sospeitosos, sete pistas e un espectacular xardín. 

Achégate e trata de resolver o misterioso asasinato ocorrido no corazón de Madrid, no Real Xardín Botánico (CSIC). 

Ao longo de 7 paneis interactivos, que poñerán a proba a túa perspicacia e os teus coñecementos en Botánica, terás a oportunidade de atopar ao culpable. Achégate e xoga! 

 Co patrocinio da FECYT, as unidades de Cultura Científica do Real Xardín Botánico, CSIC, en Madrid e do Jardí Botànic da Universitat de València, prepararon esta peculiar proposta divulgativa, en español, inglés e valenciano. As pistas que se ofrecen durante o xogo son de carácter científico e están deseñadas para que os participantes aprendan botánica mentres realizan unha actividade lúdica.

Boa sorte e a xogar!