sábado, 29 de mayo de 2021

SAGA ELECTRO

 

Aos seus dezasete anos, Ray soña con marcharse á universidade e saír de Orixe, o pobo no que creceu. Pero unha mañá, ao espertar, descobre que o mundo que coñecía deixou de existir. Non queda ninguén: nin os seus pais, nin os seus amigos, nin os seus veciños, e nesta nova realidade os humanos xa non son as criaturas máis poderosas do planeta. 
 
Que sucedeu? Onde está todo o mundo?
 Por que parece que pasaron anos desde a última vez que se foi a durmir? 
 
Para sobrevivir, Ray deberá confiar en Eden, unha nova fugitiva curtida na batalla cuxo corazón depende de enerxía externa para seguir latexando. Guiados por un misterioso diario, emprenderán xuntos unha viaxe chea de perigos en busca de respostas sen saber que algúns segredos é mellor que permanezan enterrados para sempre... 
 
 

miércoles, 26 de mayo de 2021

NOVO XORNAL: O PAPAGAIO


 

 Podedes atopalo na biblioteca do IES. 

O PAPAGAIO é un xornal impreso en papel reciclado e a cor. Non contén publicidade, ten periodicidade mensual, e ao longo das 12 páxinas que o compoñen trata temas de ciencia, ecoloxía, arquitectura, banda deseñada, literatura...
Os contidos das seccións están supervisados por especialistas na materia e ilustrados por diferentes autores e autoras. 
O obxectivo deste xornal é que o alumnado se interese pola ciencia, a ecoloxía, a historia ou a arte, entre outras, dunha forma amena e divertida.

NOVIDADES de Biblioteca IES Universidade Laboral

lunes, 24 de mayo de 2021

IMAXES PARA A REFLEXIÓN

 Ola, comunidade educativa!

Como ben sabedes, con isto das restriccións, este ano, a biblioteca non pode acoller aos seus usuarios e usuarias tanto como quixera. 

Pero isto non impide, que na medida das nosas posibilidades, vos poidamos achegar un anaquiño da biblioteca as vosas aulas e aos espazos educativos que empregamos. Para mostra, aquí tendes unha exposición fotográfica, que podedes atopar en diferentes recunchos, titulada: 

IMAXES PARA A REFLEXIÓN

Cal é a vosa obra favorita? Cal é a que vos fai reflexionar?

Agardamos os vosos comentarios.

imaxes para a reflexión de Biblioteca IES Universidade Laboral

lunes, 17 de mayo de 2021

17 DE MAIO. DÍA DAS LETRAS GALEGAS

  

 

Canción sobre o poema de Xela Arias "Darío a diario". Letras Galegas 2021 

 

O equipo de docentes do Seminario comparte connosco os seus agardados materiais das Letras Galegas, este curso dedicados á figura de Xela Arias. Ademais dos recursos habituais (unidades didácticas, exposición de carteis, biografías, textos, cuestionarios, dípticos, pictogramas... ) tamén atoparedes fotografías e portadas de libros da autora para utilizar nas vosas propias actividades. Como novidade, cómpre destacar os xogos interactivos genially adaptados a todos os niveis educativos de educación infantil e primaria, ademais dun emotivo poema ilustrado, "Ninguén coma ti", convertido en canción. 

 


 


 
 
Colexio San Pío X Ourense 
Un breve repaso da vida e obra de Xela Arias Castaño, narrado polo alumnado de 5º de primaria. Mestre de lingua: David Rial (@educaRial)
 
 

 

Documentos relacionados

 


 

domingo, 16 de mayo de 2021

IRÁS DIRÁS VIRÁS

 

 
 
Música: CLARA PINO e PABLO VIDAL 
Poema de XELA ARIAS. 
Fotografías: XULIO GIL 
Tigres coma cabalos, Ed. Xerais, 1990
 AUTOR VIDEO: Diego Alcaine 
© Aldeaglobal 2021 
 Gravado no Auditorio de Vilagarcía de Arousa o 09 de marzo de 2021 
Este proxecto audiovisual conta co apoio da Secretaría Xeral de Política Lingüística no marco da programación institucional das Letras Galegas 2021, dedicadas a Xela Arias

viernes, 14 de mayo de 2021

SEMPRE EN GALEGO, EN GALEGO SEMPRE

 

Con motivo do Día das Letra Galegas, este ano, entregamos ao noso alumnado un libro titulado “Ao redor da Xeración Nós. Catro ourensáns e un rianxeiro” de Mercedes Pacheco que, como ben sabedes, non é posible comprender Galicia e a súa cultura sen a xeración Nós e o rico legado que deixou.

 O volume actual recolle unha ampla visión do que foi o movemento Nós no contexto do seu tempo, incluíndo unha descrición da Galicia de principios do século XX e as biografías dos seus persoeiros.

                         A desfrutalo!



 

A PALABRA ESGAZADA


'Xela Arias. A palabra esgazada' é unha serie documental da Real Academia Galega sobre a poeta, tradutora, editora e profesora á que a institución lle dedica o Día das Letras Galegas 2021 composta por 6 capítulo breves que percorren distintos aspectos da vida e da obra da autora. O capítulo 1 céntrase nos primeiros anos de vida de Xela Arias, os transcorridos entre Sarria natal, a cidade de Lugo e o Vigo que a acolleu a partir dos 7 anos. Os demais episodios da serie, producida pola Real Academia Galega da man da produtora Miramemira, profundarán nos ambientes que condicionaron a ollada e a escrita de Xela Arias, en especial o urbano próximo á Movida dos 80; e nas súas distintas facetas, non só como escritora transgresora e en constante diálogo con outras artes, senón tamén como unha das primeiras profesionais do mundo da edición e da tradución nunha incipiente industria editorial que tiña como misión normalizar a lingua galega e fixar a normativa. 

miércoles, 12 de mayo de 2021

ONDE CANTA A POETA

Darío Gil Arias, fillo de Xela Arias, recita un poema de 'Darío a diario' (1996), o libro que a autora lle dedicou cando era só un bebé. O vídeo forma parte da serie de micropezas 'Xela Arias. Onde canta a poeta', unha produción da Real Academia Galega no marco da programación do Día das Letras Galegas 2021. A Academia produce ademais a serie documental 'Xela Arias.


                

Darío Gil Arias - Xela Arias. Onde canta a poeta - Letras Galegas 2021

lunes, 10 de mayo de 2021

XELA ARIAS

 


                              Xela Arias. Colexio Divina Pastora. Letras Galegas 2021